Xurxo Souto
Un dos principais axitadores da escena musical galega
A Coruña (1966)
O que foi líder e vocalista da banda de rock "Os Diplomáticos de Monte-Alto" entre 1990 e 2001, é un dos principais difusores da música galega de agora e sempre.
Dende 1986 comezou a traballar en diversos programas de radio en galego, dende o lonxevo "A tropa da tralla" ata, máis recentemente, "Aberto por reformas", durante a súa etapa como Director de Programas da Radio Galega (2005 a 2009).
Outra das súas facetas a destacar é a de escritor. Ademais de ter varios libros publicados, ten colaborado con artigos en diferentes publicacións, como a revista Bravú. Tamén ten traballado como actor e director no mundo audiovisual.
(foto: Ollo de Vidro)
