Pablo Seoane
O pianista Pablo Seoane segue a traballar na súa particular forma de entender o Jazz, xa iniciada no seu disco “falou” (Audia Records, 2006), e afianzada ao longo destes anos, nos seus intensos directos, tanto a trío coma a cuarteto.
Composicións de jazz contemporáneo, que afunde as súas raíces, forma e improvisación no espírito do jazz clásico. Sen por elo renunciar nin un ápice a experimentar con harmonías e fraseos modernos. Achegándonos un Jazz vivo, onde a música pretende reivindicar a súa vella condición de relato non verbal.
Pablo Seoane combina con mestría composicións de certa complexidade harmónica ou rítmica; con outras de deliberada sinxeleza; pero todas concibidas como vehículos de improvisación colectiva. O que permite as súas formacións recrear atmosferas, onde sumerxirnos e navegar polas nosas propias emocións. Do humor á melancolía, da introspección as altas velocidades...
PABLO SEOANE TRÍO:
Pablo Seoane-Piano; Juan Cañada- Contrabaixo; Javier Barral-Batería.
PABLO SEOANE CUARTETO:
O Trío + Toño Otero-Saxo Tenor.
SEOANE&LEGIDO:
Xunto ao baterista LAR Legido (Sumrá, Aquofono, ...) nun novo proxecto de improvisación libre.
