All Loved Up
All Loved Up (ALU), agora inactivos, naceron como o novo proxecto de David Hernández, despois de moitos anos dentro de grupos londinenses (Ice Mummies, Kidman e Tall Children), con xiras por Inglaterra (nunha como teloneiros de The Damned) e gravando no estudio de John Entwistle, baixista de The Who.
Tras deixar a Illa e chegar a Galicia, en febreiro do 2002 deu coa voz de Silvia Losada e naceu ALU (All loved up), gravando en agosto o primeiro traballo nos estudios Bonham.
Posteriormente incorporáronse á banda 4 novos músicos, o que lles permitiu comezar a traballar nos directos e presentar en xullo do 2003 o seu primeiro traballo homónimo ALU (falcatruada, 03), que se reeditou con tres novos temas na primavera de 2004.
