Dispoñibilidade: Inmediata

Ano: 2007
Formato: 2CD
Idioma das letras: Castelán, Galego
Código de barras: 8436030491013
Ref.: FAL332

Manifesto Dobarrista

VV.AA.

Editora: Falcatruada
Participan: Ataque Escampe, Fanny e Alexander, Projecto Mourente, Nouvelle Cuisine, Noise Project, The Homens, Samesugas

15,25€

Un disco tributo a Andrés do Barro

Convertido no icono da música pop galega, Andrés Do Barro recebe agora o tributo dos herdeiros naturais, e por dereito propio, do seu legado musical. Trinta grupos do panorama pop galego de máis rabiosa actualidade coma The Homens, 6pm, Niño y Pistola, Narf, Ectoplasma, Samesugas, Elodio y los Seres Queridos, Projecto Mourente... xuntáronse neste DOBRE CD para reinterpretar os seus temas máis laureados, algún dos que logrou colarse por vez primeira no máis alto das listas dos superventas do estado coma O Tren ou Corpiño Xeitoso.

I é que o legado de Andrés de Barro foi un tanto esquecido en descoidadas recompilacións de grandes éxitos. Falcatruada edita agora unha coidada e arriscada edición a partires dunha iniciativa dos propios grupos, onde poder achegarse á súa obra e, ao mesmo tempo, coñecer a dimensión do pop feito no país do século XXI.

Inclúe colaboracións coma a de Andrea Lapique, filla do cantante ferrolán, que lle recita versos ao seu pai na canción Meu Amor, de Fanny + Alexander. No libro do cedé hai, ademais, textos de homenaxe escritos pola propia Andrea, polo poeta e xornalista Daniel Salgado, ou por Xurxo Souto, dos Diplomáticos de Monte Alto.