Dispoñibilidade: Inmediata
Ano: 2005
Formato: CD
Idioma das letras: Castelán, Inglés
Código de barras: 8436030490344
Ref.: FAL142
The Blind Carpenter
Editora: Falcatruada
Os galegos Talesien dan o paso definitivo co seu primeiro disco “The Blind Carpenter” (falcatruada 05), o paso que os situará nun lugar propio e destacado na escena metal nacional. Nos dez temas que compoñen o disco percíbense múltiples influenzas que conforman o persoal estilo de Talesien, onde o power-metal actúa como nexo de unión e como etiqueta máis próxima para un son de seu. Pero hai moitos agasallos adicionais neste disco, xa per se rotundo, empezando pola edición de luxo e o bonus track “No me hables de amor” (incluído nun recompilatorio colombiano do grupo Kraken), e seguindo cun vídeo clip do tema máis espectacular do disco, Dream Master.
Gravado nos prolíficos estudos Bonham (ex Deluxe ou The Majestics) e masterizado por Alberto Rionda (Avalanch) nos estudos Bunker (Asturias), conta coas colaboracións especiais de Pedro Valero (guitarra en Luar na Lubre), que contribúe coa súa experienza en dous temas que abren e pechan o disco, os solos de guitarra de Fernando Calvo (Los Suaves), a batería de José Martínez Bonham e a voz feminina de Liliana Franco (coros na balada New Horizon).
Talesien son: P. Javier García (voz e coros), Xosé Caamanho (guitarra e coros), J. Carlos Cotelo (guitarra), Serxio Pérez (baixo), Fernando Sanromán (batería e coros) e J. Barros (teclado).
