Dispoñibilidade: Inmediata
Ano: 2009
Formato: CD
Idioma das letras: Galego
Código de barras: 8436030492089
Ref.: FAL564
Em terra de ninguém
Editora: Falcatruada
Preséntase o futuro da música galega. Unha banda que vai do funk ao rap e do rap ao reggae sen casar con ningún dos tres estilos. Unha mestura orixinal e propia. Eles son Som do Galpóm: Gael de Esteban (voz), Brais de Esteban (violín e coros), Xurxo García (guitarra clásica e eléctrica), Alejandro Castro (Baixo e coros) e Aitor García (batería). Con esa receita chegaron até á final do GZcrea do 2007, ao primeiro posto do IV Concurso da Foundation Reggae Festival… e a gañar, en setembro de 2008, a segunda edición do certame musical Nsaio no Camiño por diante de preto de 150 bandas. Som do Galpóm vén de ofrecer máis dun cento de concertos difundindo o seu estilo e a súa mensaxe por todos os recunchos do país. Eles chegan desde A Moniña, en Ames, co latexo dunha idea que consistía en apoiar a súa música sobre unhas bases instrumentais: 'Em terra de Ninguém', á venda o 17 de marzo, pretende dar un paso máis no panorama musical do século XXI (“a era das máquinas”) deixando as producións electrónicas e achegando unha proposta moito máis orgánica.
