Dispoñibilidade: 5-7 días
Ano: 2010
Formato: CD
Idioma das letras: Galego
Código de barras: 8424295048639
Ref.: DM4863-02
A órbita da banda hipnótica
Editora: Discmedi
Participan: Almudena Janeiro, Sergio Zearreta
Fai xa uns cuantos anos, en marzo de 1998, un grupo de amigos xuntaron as súas inquietudes nunha adega de Moreiras. Desta reunión naceu LAMATUMBÁ. Pronto empezaron a pasearse por salas, festas e festivais de toda Galicia, ofrecendo unha mestura de ritmos que non deixaban que os pés quedasen no sitio. O mesmo caía unha cumbia que un reggae, un ska que un pasodobre, e todo mesturado cunha premisa fundamental: a festa, a verbena e o poder denunciar cousas, pero sen perder o sorriso. Logo de tres anos, entran a gravar o seu primeiro traballo, "Pachangüilanuí" (Xingreira 2001), e comezan a compartir escenario con xente como Manu Chao, Mau Mau, Barón Rojo, Hechos contra el decoro...
Cunha formación xa estable, empezan a tocar fóra de Galicia, destacando entre outros o concerto de "Nunca Máis" en Madrid e unha extensa xira polas mellores salas de toda a península como teloneiros da banda arxentina Bersuit Vergarabat. Logo desta experiencia marchan aos estudos Gárate (Gipuzkoa) para, xunto con Kaki Arkarazo, gravar "LUME (para que saia o sol)" (Falcatruada 2005), que os consolida como un dos nomes de referencia no panorama musical galego.
Moitos concertos máis tarde e tras varios cambios de formación, a finais do 2007 , gravar o seu 3º álbum, "Paraugas Universal" (PAI-Música 2008), co que seguen facendo mover os pés e as conciencias a base de rock, ska, funky, merengue, cumbia e calquera ritmo que consiga encher os espíritos de festa en todos os escenarios a os que poidan levar a súa furgoneta.
Tras unha intensa xira de case 2 anos por toda Galiza, España, Portugal e Francia, na que actuaron en numerosos festivais compartindo escenario con bandas como Gogol Bordello, Manu Chao & Radio Bemba, Macaco, Boikot, Huecco,... volven ao estudo de gravación a gravar o seu 4º disco. "A ÓRBITA DA BANDA HIPNÓTICA" , é o novo e mais ambicioso proxecto de LAMATUMBÁ, no que a banda está mais implicada que nunca. Un novo traballo gravado en Muu! Estudiós de Vigo, baixo a produción de Pedro Feijoo e a propia banda.
