Dispoñibilidade: 10-15 días
Ano: 2011
Nº de páxinas: 48
Idioma: Galego
ISBN: 978-84-8464-769-0
A viaxe de Olaf
Editora: Kalandraka
Participan: Manuela Rodríguez
A partir de 5 anos
IV Premio Internacional Compostela de Álbum Ilustrado
Olaf vivía nun planeta moi, moi pequeno.
Nunha casa moi, moi grande.
Un bo día, aburrido, Olaf saíu a camiñar… e camiñou!
Olaf camiñou e camiñou, e un peixe que tiña a cola do revés
atopou.
–Vés comigo? –preguntoulle.
E como non dixo que non…
O protagonista deste relato acumulativo de estrutura repetitiva e circular é unha sorte de Principiño que, farto da soidade, emprende un camiño iniciático. Diversos animais fantásticos -de inspiración mítica e valor simbólico- vanlle facendo compaña e conformando un grupo heteroxéneo e compacto: o peixe que tiña a cola do revés, o cabalo alado, o tigre arco da vella, o elefante elegante...
“A viaxe de Olaf” destaca pola profusión de colorido e pola harmonía coa que Martín León Barreto combina gamas cromáticas. Son ilustracións de formas xeométricas dotadas de movemento e dinamismo, e integradas como pezas dun complexo rebacabezas faunístico.
A obra gañadora do IV Premio Internacional Compostela de Álbum Ilustrado, organizado polo Departamento de Educación do Concello de Santiago e Kalandraka, axústase a un esquema baseado nos contos tradicionais: rimas, xogo de contrarios, diálogo reiterativo, oralidade...
Olaf fainos partícipes dunha aventura a través do día e da noite, sobre a amizade e a xenerosidade.
